Pavlodarda 25 kópqabatty úı áli de jylýsyz otyr
PAVLODAR. KAZINFORM — Pavlodardaǵy 1 342 kópqabatty turǵyn úıdiń 1 317-sine jylý berildi. Qazir 25 kópqabatty ortalyq úı jylý júıesine qosylmaǵan.
Qala ákimdiginiń málimetinshe, áleýmettik nysandardyń barlyǵy jylýmen qamtylǵan. Aýrýhanalar, balabaqshalar men mektepterge jylý 14 qyrkúıekten bastap berile bastaǵan. Sol kúni jeke sektor turǵyndaryna da jylytý júıesin iske qosýǵa ruqsat berilgen.
Al kópqabatty turǵyn úılerdi jylý júıesine qosý jumystary 28 qyrkúıekte bastaldy.
Qala ákimdiginiń habarlaýynsha, úıler jylý berý kestesine sáıkes kezeń-kezeńimen qosylyp jatyr. Qazir 1 342 kópqabatty úıdiń 1 317-si jylýmen qamtylǵan.
Sonymen qatar jylý júıelerin retteý jumystary jalǵasýda. Qalǵan 25 kópqabatty úıdi aldaǵy kúnderi jylytý júıesine qosý josparlanǵan.
«Qazgıdromet» málimetinshe, 6 qazanǵa qaraǵan túni Pavlodarda jańbyr jaýyp, arty qarǵa ulasýy, burqasyn jáne kóktaıǵaq bolýy yqtımal.
Buǵan deıin Pavlodarda 1200-den astam kópqabatty úı jylýǵa qosylǵanyn jazǵanbyz.
