Pavlodarda 23 jastaǵy jumysshy 12 metr bıiktikten qulap mert boldy
PAVLODAR. QazAqparat - Pavlodarda jóndeýshi slesar 12 metrlik bıiktikten qulap, kóz jumdy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Keshe keshki saǵat 16:20-da óndiristik tsehtardyń biriniń aýmaǵynda 1996 jyly týǵan slesar kópirli krandy bólshektep jatyp, abaısyzda 12 metrlik bıiktikten qulap ketti.
«Jas jigit alǵan jaraqatynan sol jerde jantásilim etti. Oqıǵany kórgen kýágerler bar. Eńbekti qorǵaý normalaryn buzý faktisi boıynsha sotqa deıingi tergeý júrip jatyr», - dep málim etti PD baspasóz qyzmeti.
