Pavlodarda 2026 jylǵy sý tasqynyna qarsy is-sharalar qazirden bastalyp ketti
PAVLODAR. KAZINFORM - Óńirde aýmaqtar men áleýmettik ınfraqurylym obektilerin yqtımal sý tasqynynan qorǵaý baǵytynda 22 is-shara josparlanǵan.
Keler jylǵy sý tasqyny kezeńi qarsańynda eldi mekenderdi sý basý qaýpin azaıtý maqsatynda Pavlodar oblysynda oblys ákiminiń ınjenerlik jumystar men keshendi is-sharalar jospary bekitilgen. Іs-sharalardy iske asyrý tórt kezeńge bólinedi: jaz, kúz, qys, kóktem.
- Qazirgi ýaqytta ınjenerlik jumystar jospary sheńberinde aýmaqtar men áleýmettik ınfraqurylym obektilerin yqtımal sý tasqynynan qorǵaý baǵytynda josparlanǵan 22 is-sharanyń 13-i oryndaldy. Máselen, Ertis aýdanynda Sileti – Qyzylaǵash aýdandyq mańyzy bar 13 km avtojolǵa sý ótkizý qubyrlary ornatyldy. Osyǵan uqsas jumystar Maı aýdanynda oryndaldy: qubyrlar Jańatilek aýylyna jáne Baskól aýylyna kirme jolǵa salyndy. Ekibastuz aýdanynda Ak. Marǵulan aýylynyń aınalasynda qorǵanysh úıindisin nyǵaıtý jáne aryq júıesin jaılastyrý jumystary júrgizildi. Pavlodar qalasynyń Kenjekól aýylynda jáne Pavlodar aýdany Jambyl aýylynda jer úıindileri nyǵaıtyldy, - dep habarlady óńirlik tótenshe jaǵdaılar departamentinen.
Injenerlik is-sharalar kóktemgi sý tasqyny kezeńinde tótenshe jaǵdaılar táýekelderin azaıtýǵa, halyqty qorǵaýǵa jáne ınfraqurylym obektileriniń turaqty jumys isteýin qamtamasyz etýge baǵyttalǵan.
Buǵan deıin Sátbaev kanalynan jiberilgen sý Pavlodardaǵy shabyndyqtardyń ónimdiligin arttyrǵanyn jazǵanbyz.