Pavlodarda 2018 jyly 200 myń sharshy metr turǵyn úı salynýy tıis - Bolat Baqaýov
ASTANA. QazAqparat - Pavlodarda 2018 jyly 200 myń sharshy metr baspana salý josparlanyp otyr. Bul týraly aımaq basshysy Bolat Baqaýov oblys ákimdiginde ótken jıyn barysynda málim etti, dep habarlaıdy pavlodarnews.kz .
Oblystyq qurylys basqarmasynyń basshysy Rústem Raıysovtyń aıtýynsha, búgingi tańda qurylys jumystary bastalǵan jáne kelesi jyly Pavlodarda 130 myń sharshy metr úı qoldanysqa beriledi. Oblys boıynsha bul kórsetkish 240 myń sharshy metri quraıdy. Byltyrmen salystyrǵanda qurylys qarqyny 15 paıyzǵa ósken.
«Bıyl Ekibastuz jáne Aqsý qalalarynda biraz qıyndyqtar bar. Bul - Eýrazııattyq energetıkalyq korporatsııasy salyp jatqan úıler. Olar bizdiń josparǵa engizilgen bolatyn, degemen kelesi jylǵa aýystyrylyp otyr», - dedi Rústem Raıysov.
Pavlodar qalasynyń ákimi Nurjan Áshimbetovtiń sózinshe, ústimizdegi jyly qurylys boıynsha nátıje jaman emes. Ótken jylǵa qaraǵanda 10 paıyzǵa artyp otyr. Kelesi jyly kópqabatty úılerge jańa alańdar izdestirilip, jeke turǵyn úı qurylysy kólemin arttyrý josparda bar. - Oblys ortalyǵynda turǵyn úı qurylysy qarqynyn jyldamdatý qajet. Bıýdjetten qarjy bólip, jeke ınvestorlardy tartý kerekpiz, - dedi Bolat Baqaýov.
Eske sala keteıik, jýyrda ortalyq kommýnıkatsııalar qyzmetinde ótken brıfıng barysynda oblys ákimi jańa «Dostyq» shaǵynaýdanynyń qurylysy 2019 jyly bastalatynyn habarlaǵan bolatyn. Oǵan deıin «Saryarqa» turǵyn úı kesheniniń qurylysy júrgiziledi. Jalpy, 2017 jyly barlyǵy segiz úı qoldanysqa berilgen. Bıyl qosymsha bólingen qarajat esebinen taǵy da toǵyz úıdiń qurylysy bastalady.
