Pavlodarda 200 lıtr Naýryz kóje ázirlendi
PAVLODAR. QazAqparat - S.Toraıǵyrov atyndaǵy Pavlodar memlekettik ýnıversıtetinde Naýryz jalpyhalyqtyń kóktemgi teńelý meıramy toılandy, dep habarlaıdy «QazAqparat» HAA tilshisi.
Dástúr boıynsha Naýryz Qydyr atanyń bata berýinen bastaldy. Stýdenttik fılarmonııanyń shyǵarmashylyq ujymy qonaqtardy kútip alyp, óz ónerlerin pash etti. Merekelik dastarhan, arqan tartys, gir kóterý, altybaqan, áýelegen ánder men quttyqtaýlar halyqqa kóterińki kóńil-kúı syılady. Qala qonaqtary men kelýshiler Naýryz kóje, palaý, qýyrdaq, baýyrsaq sekildi ulttyq taǵamdardan dám tatty. Naýryzǵa oraı 200 lıtrge jýyq Naýryz kóje ázirlendi.
«Naýryz - kóktem merekesi, kóktemgi teńelý kúni. Mol dastarhan ejelden tatýlyq pen dostyqty bildirgen. Ata-baba dástúrin úzbeı, jyl saıyn bir shańyraq astynda jınalyp, bir-birimizdi merekemen quttyqtaımyz, aq tilek, jyly lebizder aıtýdamyz. Naýryz qutty bolsyn», - dedi JOO rektory Aryn Órsarıev.
