Pavlodarda 200-den astam adam qyzylsha juqtyrǵan
PAVLODAR. KAZINFORM — Qyzylsha juqtyrǵandardyń barlyǵy ekpe almaǵany anyqtalǵan. Naýqastardyń basym bóligi — balalar.
Jyl basynan beri Pavlodar oblysynda 200-den astam adam qyzylsha juqtyrǵan.
Qyzylsha syrqatynan keıin derttiń asqynýlary aýyr bolady. Sanıtarlyq mamandar ata-analardyń ekpe saldyrǵannan góri bir ret aýyryp shyqqan durys degen pikirine qarsy.
— Qaı zamanda bolsyn ekpe alǵan qoǵam ǵana aýyr syrqattardy jeńgen. Jyl basynan oblysta qyzylsha aýrýyn juqtyrýdyń 231 jaǵdaıy tirkeldi. 190-y balalar, 4-eýi jasóspirimder. Kóbine ekpe almaǵan balalar aýyryp jatady. Buǵan ata-analardyń bas tartýy sebep, — deıdi Pavlodar qalasy sanıtarlyq-epıdemıologııalyq baqylaý basqarmasynyń bólim basshysy Baıan Sartaı.
Mamandardyń aıtýynsha, jazǵa qaraı qyzylshamen aýyrý kórsetkishi tómendeıdi. Sebebi mektepterde, balabaqshalarda demalys bastalady.
Eske sala keteıik, Batys Qazaqstanda jyl basynan beri 256 adam qyzylsha juqtyrǵan.
