Pavlodarda 20 metrlik bıikten qulaǵan elektr dánekerleýshiniń ólimine kináli anyqtaldy
ASTANA. QazAqparat - Pavlodar munaı-hımııa zaýytynda oryn alǵan oqys jaǵdaıǵa tergeý jasaǵan komıssııa jumys berýshini kináli dep tapty.
Tergeý jumystarynyń nátıjesi týraly memlekettik eńbek ınspektory Abylaı Sabyrov aıtyp berdi, dep habarlaıdy pavlodarnews.kz .
Eske sala ketsek, reseılik «Vladımırteplomontaj» AQ-nyń 33 jastaǵy elektr dánekerleýshisi Raıl Shaıahmetov jumys kezinde 20 metr bıikten qulap, kóz jumǵan. - Tergeý jasaǵan komıssııa er azamattyń ólimine jumys berýshi jaýapty degen sheshimge keldi. Óıtkeni «Vladımırteplomontaj» AQ jumys kezindegi qaýipsizdikti tolyq uıymdastyrmaǵan. Qaza tapqan adamnyń artynda nárestesi qaldy. Іs quqyqqorǵaý organdaryna jiberildi, - dedi Abylaı Sabyrov.
