Pavlodarda 20-dan astam saıajaı ýchaskesi órtendi
PAVLODAR. QazAqparat – Pavlodardaǵy «Metallýrg» baǵbanshylyǵynda 20-dan astam saıajaı ýchaskesi órtten zardap shekti, dep habarlaıdy pavlodarnews.kz.
Mamandar keltirilgen zalaldy, sondaı-aq jumys istemeıtin saıajaı ıelerin anyqtaýda. Pavlodar oblysynyń tótenshe jaǵdaılar departamentinde órttiń shyǵýyna turǵyndardyń otty abaısyz paıdalanýy sebep bolǵanyn aıtady. - Izobılnaıa, 2 kóshesindegi qoldanystaǵy saıajaı ýchaskesinde 20 metr boıy aǵash qorshaý janyp ketti. Sondaı-aq Maıskaıa, Zavodskaıa Pesochnaıa, Ýrojaınaıa, Shırokaıa, Solnechnaıa kóshelerinde de birneshe aǵash qorshaýlaryn jalyn sharpyǵan.
Vedomstvo málimetterine sáıkes, Solnechnaıa kóshesi, 1 boıynsha saıajaı ýchaskesinde úı jáne Shırokaıa kóshesi, 1 boıynsha monsha, sondaı-aq Zavodskaıa, 10, 12, 14, 16 kósheleri boıynda da alty úıdiń aǵash konstrýktsııalary janyp ketken. Bul - 60 sharshy metr, sondaı-aq Osennıaıa kóshesi, 48, 50 boıynda 30 sharshy metrdi jalmaǵan órt tirkeldi.
Pavlodar qalasy tótenshe jaǵdaılar basqarmasynyń bastyǵy Renat Valıshanovtyń aıtýynsha, tilsiz jaýdy sóndirýge «Órt sóndirý jáne avarııalyq-qutqarý jumystary qyzmeti» MM-niń 9 órt sóndirý tehnıkasy men «Qazaqstan alıýmınııi» AQ-nyń eki tehnıkasy jumyldyryldy. Otpen kúresý úshin Pavlodar ákimdigimen qosymsha kúshter men quraldar tartyldy.