Pavlodarda 2 jasar bala ystyq sýǵa kúıip qaldy
ASTANA. QazAqparat - Eki jasar bala denesiniń 12 paıyzyn 3 úshinshi dárejeli kúıik shaldy, dep habarlady pavlodarnews.kz oblystyq densaýlyq saqtaý basqarmasyna silteme jasap.
Sharbaqty aýylynda eki jastaǵy bala ákesimen monshaǵa baryp, ákesi balanyń ústinen baıqamaı ystyq sý tógip aldy.
«Balany jedel járdem kóligimen oblystyq balalar aýrýhanasyna jetkizdi. Búldirshinniń jaǵdaıy qanaǵattanarlyq. Qazir ol travmatologııalyq bólimshede»,- dedi basqarmanyń baspasóz qyzmetkeri Mahabbat Muhamadıeva.
Eske sala keteıik, 2016 jyldyń qyrkúıeginde jeti jasar bala sapasyz pırotehnıka saldarynan kúıik aldy. Bala pırotehnıkany satyp alyp, qaltasyna salǵan. Úıine bara jatqanda taýar jarylǵan. Bala aýrýhanaǵa jetkizildi. Qazir onyń jaǵdaıy birqalypty.
