Pavlodarda 2 nysan «Qazaqstannyń kıeli jerlerine» endi

ASTANA. QazAqparat - «Qazaqstannyń kıeli jerleri geografııasy» Pavlodar oblysynan taǵy eki nysan endi, dep habarlaıdy pavlodarnews.kz.

Osyǵan deıin elimizdiń qasıetti oryndar tizimine engen Ertis óńiriniń bes nysanyna

«Oblysymyzdyń alǵashqy bes nysany kartaǵa engen kezde Sultanbet sultan men Aq kelin keshenine qatysty jumys endi ǵana bastalǵan bolatyn. Sodan beri «Rýhanı jańǵyrý» baǵdarlamasy aıasynda zor kólemdegi jumys atqaryldy. 2018 jyldyń qorytyndysy boıynsha «Qasıetti Qazaqstan» ǵylymı-zertteý ortalyǵyna ótinish berdik», - deıdi Margulan centre «Sakraldy geografııa» ǵylymı-zertteý laboratorııasynyń meńgerýshisi Eńlik Əbeýova.

Nətıjesinde Atyraýda ótken III Ólketanýshylar forýmynda joǵaryda atalǵan eki kıeli oryn respýblıkalyq kartaǵa qabyldandy. Eńlik Əbeýovanyń aıtýynsha, jumys munymen toqtamaıdy. Respýblıkalyq mańyzy bar Pavlodar oblysynyń qasıetti oryndarynyń tizimi keńeıýi múmkin.

Aıta ketsek, joǵarydaǵy eki nysannan bólek, respýblıkalyq kartaǵa bizdiń oblystan Qońyr əýlıe úńgiri, Məshhúr Júsip Kópeev kesenesi, Jasybaı batyr beıiti, Isabek ıshan kesheni men Əýlıekól səýlet kesheni engen bolatyn.