Pavlodarda 2 myńǵa jýyq bala bronh demikpesine shaldyqqan

PAVLODAR. KAZINFORM - Olardyń 165-i bir jyl ishinde tirkelgen. Bronh demikpesi sońǵy jyldary jasaryp keledi, deıdi dárigerler.

Bul dertpen buryn kóbine 9 jastaǵy balalar aýyrsa, endi alǵashqy belgiler 1 jastan-aq baıqala bastaǵan.

Demikpeniń negizgi belgileri tynys alýdyń aýyrlaýy, uzaq jótel, allergııalyq rınıt, ózge de allergııalyq sebepter bolýy múmkin. Balalarda uzaq jótelden bastalady. Osy belgiler baıqalyp, syrqat erterek anyqtalsa baqylaýdy kúsheıtýge múmkindik bolady. Emdeýdiń negizgi maqsaty - patsıentterdiń jaǵdaıyn múgedektikke jetkizbeý.

QR Densaýlyq saqtaý mınıstrliginiń shtattan tys bas allergolog-ımmýnolog dárigeri Elena Kovzeldiń aıtýynsha, elimizde 100 myńǵa jýyq adamda bronhty demikpe anyqtalǵan. Al Pavlodar oblysynda, bronhty demikpemen 2 myńǵa jýyq bala tirkelgen. Onyń 165-i bir jylda anyqtaldy.

- Naýqastardyń sanynyń artýynyń ishki sebebi – tuqym qýalaý, ekinshi sebep syrtqy faktorlarǵa baılanysty. Mysaly, qorshaǵan ortanyń lastanýy, turmystyń hımııalanýy, azyq-túliktiń hımııalanýy, shylym shegý, kólikterdiń kóbeıýi. Osydan allergııalyq reaktsııalar erte damıdy. Buryn allergııalyq rınıt 9 jastaǵy balalarda kezedsetin, qazir 2 jastaǵy balalarda tirkelip otyr,-deıdi maman.

Eske sala keteıik, Qazaqstandaǵy maýsymdyq allergııa bes jyl ishinde on ese artqan.