Pavlodarda 1941 jyly shyqqan qazaq hrestomatııasy tabyldy
PAVLODAR. KAZINFORM - Buqar jyraý mýzeıiniń qyzmetkerleri el arasynan 1941 jyly jaryq kórgen «Qazaq ádebietj» (Qazaq ádebıeti) hrestomatııasyn izdep tapty. Kitap latyn tilinde, orta mekteptiń 9-synyp oqýshylaryna arnap shyǵarylǵan.
Kóne oqýlyq Almaty qalasyndaǵy qazaqtyń birikken memlekettik baspasynan shyqqan. Qurastyrýshysy – ádebıet zertteýshisi, fılologııa ǵylymynyń doktory, QR Ulttyq ǵylym akademııasynyń korrespondent múshesi, Qazaq KSR eńbek sińirgen ǵylym qaıratkeri Esmaǵambet Ysmaıylov.
Bul kitap-oqýlyqtyń ereksheligi – keńes zamanynyń alǵashqy jyldary shyǵarmashylyǵyna tyıym salynyp, esimderin el aıtýǵa qoryqqan tulǵalarymyzdyń ádebı dúnıeleri jaryq kórgen. Sol tustaǵy qazaq balalaryna oqytylǵan.
Hrestomatııada Ybyraı Altynsarın, Abaı Qunanbaev, Sháńgereı Bókeev, Aqan seri Qoramsauly, Narmambet Ormambetuly, Nurjan Naýshabaev, Máshhúr Júsip Kópeev, Ǵumar Qarash, Spandııar Kóbeev, Sultanmahmut Toraıǵyrov, Sábıt Dónentaev, Yǵylman Kórekov jáne taǵy basqa ádebıet ókilderiniń, jalpy sany 20 aqyn-jazýshynyń shyǵarmalary basylǵan.
Jádiger-kitapty mýzeıge Aqtoǵaı aýdany Mútkenov aýylynyń turǵyny, zeınetker Nurash Beısembaeva tapsyrdy. Nurash Muqajanqyzynyń aıtýynsha, hrestomatııany aýyldyq mektepte uzaq jyldar ustazdyq etken Júsip Tóleýtemirov atty el aǵasy saqtap kelgen eken. Keıin mektep kúrdeli jóndeýden ótken ýaqytta eski qaǵazdar arasynan tabylǵan.
