Pavlodarda 18 áıel - taksı júrgizýshi
ASTANA. QazAqparat - Pavlodar qalasyndaǵy iri taksoparkterdiń biri «777» ortalyǵynda 18 áıel adam bala kútýmen qatar taksı júrgizýshi qyzmetin atqarýda, dep habarlaıdy pavlodarnews.kz.
«Bul jumysty istep júrgenime úsh jyldan asty. 11 jastaǵy bir qyzym bar. Taksı júrgizýshi meniń qosymsha kásibim. Negizi balalar oıynshyǵyn satatyn saýda núktem bar. Sondyqtan kóbine keshki saǵat 20.00-den bastap túnge deıin, keıde tańǵa deıin jumys isteımin. Jasym 32-de. Toyota Duet avtokóligimen júremin. Eń alǵashqy jumys istegen taksoparkim "Indraıver" bolatyn», - deıdi Zarına Shereezdanova esimdi júrgizýshi. Taǵy bir sulý júrgizýshilerdiń biri Vıktorııa Rybalko tek kúndizgi ýaqytta júrgizýshi bolyp jumys isteıdi. «Jasym 33-te. Keshki ýaqytty jubaıym jáne eki balammen ótkizemin. Adamdardy kóbine aýrýhana men mektepterge jetkizip salamyn. Qyzmetime jarty jyldan asty. Temir tulparym - Mazda Demio, - deıdi ol. Al, «777» taksoparki kezekshisiniń aıtýynsha, temir tulpardy tizgindegen arýlardyń sany jyl sanap artyp keledi.
