Pavlodarda 17 jastaǵy jasóspirim sýǵa batyp ketti
PAVLODAR. KAZINFORM - 2009 jylǵy jasóspirim úı janýarlaryn sýarýǵa arnalǵan jasandy sý qoımasyna shomylǵan. Qutqarýshylar marqumnyń múrdesin alyp shyqty.
Oblys ortalyǵynda qaıǵyly jaǵdaı boldy. Úı janýarlaryn sýarýǵa arnalǵan jáne shomylýǵa bolmaıtyn jasandy qazanshuńqyrda 2009 jyly týǵan bozbala sýǵa batyp ketken.
- Habarlama túskennen keıin oqıǵa ornyna Pavlodar oblysy Tótenshe jaǵdaılar departamentiniń kúshteri men quraldary dereý jiberildi. Іzdestirý-qutqarý jumystary barysynda jedel-qutqarý jasaǵynyń qutqarýshylary qaza tapqan jasóspirimniń múrdesin taýyp, sýdan shyǵardy, - dep habarlady óńirlik Tótenshe jaǵdaılar departamentinen.
Qazirgi ýaqytta oqıǵanyń mán-jaıy anyqtalyp jatyr.
Qutqarýshylar jabdyqtalmaǵan jáne tyıym salynǵan jerlerde shomylý ómirge úlken qaýip tóndiretinin eskertti. Balalar men jasóspirimderdiń qaýipsizdigine erekshe nazar aýdaryp, olardy sý boıynda qaraýsyz qaldyrmaý qajet. Sondaı-aq sý aıdyndaryndaǵy qaýipsizdik erejeleri týraly únemi eskertip otyrǵan abzal.
Eske sala keteıik, shomylý maýsymy bastalǵaly beri 10 adam sýǵa ketti.
