Pavlodarda 16 jasar jasóspirim esirtkimen ustaldy

PAVLODAR. KAZINFORM - Pavlodarda kámeletke tolmaǵan jasóspirim 223 gramm sıntetıkalyq esirtkini satýǵa oqtalǵan. Polıtseıler ony qolǵa túsirdi.

Bul týraly Pavlodar oblysy polıtsııa departamentiniń baspasóz qyzmetinen habarlady.

- Mamyr aıynda 16 jastaǵy jasóspirim esirtki taratýmen aınalysýǵa sheshim qabyldaǵany anyqtaldy. «Kýratordan» qaptamalar týraly aqparat alǵannan keıin ol keshten 223 gramm sıntetıkalyq esirtkini alyp ketken. Ony kishirek etip orap, qaptamalar arqyly satýdy josparlaǵan. Ári bul qyzmeti úshin tólemdi banktik shotqa alýdy josparlap qoıǵan. Kúdikti bárin moıyndap, aqsha tapqysy keletinin túsindirdi. Esirtki zattaryn zańsyz daıyndaý, óńdeý, satyp alý, saqtaý, tasymaldaý, jóneltý nemese ótkizý faktisi boıynsha sotqa deıingi tergeý bastaldy. Kúdikti qamaýǵa alyndy, - deıdi Pavlodar oblysy polıtsııa departamenti esirtki qylmysyna qarsy is-qımyl basqarmasynyń bastyǵy Tımýr Qarjaýbaev.

Polıtsııa jasalǵan qylmystardyń barlyq mán-jaılaryn, sondaı-aq kámeletke tolmaǵandarǵa esirtki satýǵa qatysy bar adamdardy anyqtaýǵa baǵyttalǵan tergeý áreketterin júrgizip jatyr.

Óskemende 25 jastaǵy jigit saıajaıyn esirtki zerhanasyna aınaldyrǵan.