Pavlodarda 150 bala qala ákiminiń jańa jyldyq shyrshasyna qatysty
ASTANA. QazAqparat - «Ertis» qonaq úıi kesheninde Pavlodar qalasynyń ákimi Nurjan Áshimbetovtyń qatysýymen «EKSPO jańa jyldyq shamdary» ataýymen jańa jyldyq erteńgilik ótti.
Qalalyq bilim berý bóliminiń málimetinshe, sharaǵa jetim jáne ata-analarynyń qamqorlyǵynsyz qalǵan balalar, az qamtylǵan jáne kóp balaly otbasylarynyń balalary, oqýda, sportta, shyǵarmashylyqta nemese qoǵamdyq ómirde jetistikke jetken daryndy balalar qatysqan dep habarlaıdy pavlodarnews.kz.
" Merekege kelgen 9-13 jas aralyǵyndaǵy 150 balaǵa qala ákiminiń atynan syılyqtar men oıynshyqtar tabys etildi. Budan basqa, jetim jáne ata-analarynyń qamqorlyǵynsyz qalǵan, asyrap alǵan jáne patronattyq otbasynda tárbıelenip jatqan, mektep jasyna deıingi jáne mektep jasyndaǵy 326 balaǵa qala basshylyǵynyń atynan jańa jyldyq syılyqtar tapsyryldy. Budan keıin balalar «Ertis Sınema» kınoteatrynda mýltfılm tamashalady", - deıdi bólim mamany Baljan Ádilhanova.
