Pavlodarda 15 jyl boıy qujatsyz júrgen azamat jeke kýálik aldy
NUR-SULTAN. QazAqparat - Mobıldi qabyldaý aktsııasy aıasynda 15 jyl boıy qujatsyz júrgen Pavlodar oblysynyń turǵyny jańa jeke kýálikke ıe boldy, dep habarlaıdy QazAqparat.
«Jolda qabyldaý» aktsııasy aıasynda pavlodarlyq polıtseıler Krasnoarmeısk aýylynyń 36 jastaǵy turǵynyna kómektesti. Azamat osydan 15 jyl buryn jeke kýáligin joǵaltyp alǵan jáne ony qaıta jasatýdyń bylyǵy kóp dep oılap, tártip saqshylarynyń kómegine júginbeı júre bergen. Búgin ol mobıldi qabyldaýǵa kelip, tártip saqshylarynan qajetti konsýltatsııa aldy. Polıtseıler onyń qujatyn jedel túrde qaıta jasatyp, qol ushyn berdi», - dep jazylǵan QR Іshki ister mınıstrligi Ákimshilik polıtsııa komıtetiniń Feısbýktegi paraqshasynda.
Aıta ketsek, kesheden beri eki kún boıy el aýmaǵynda «Jolda qabyldaý» aktsııasy júrip jatyr. Sharanyń maqsaty - halyqpen keri baılanysty jáne polıtsııa bólimsheleri basshylarynyń elimizdiń búkil óńirleriniń azamattarymen jeke kezdesýin qamtamasyz etý.
