Pavlodarda 15 jastaǵy oqýshymen jaqyndasqany úshin sottalǵan jigit kolonııada kóz jumdy
ASTANA. KAZINFORM — Jas jigit osy jyldyń sáýir aıynda sot zalynda qamaýǵa alyndy, jaqynda onyń súıegi túzeý mekemesinde tabyldy.
Pavlodar oblysy boıynsha Qylmystyq-atqarý júıesi departamentiniń málimetinshe, oqıǵaǵa qatysty sotqa deıingi tergeý bastalyp, onyń barysy baqylaýǵa alynǵan. Tergeý aıasynda beınebaqylaý kameralarynyń jazbalary da qarastyrylyp jatyr.
— Aldyn ala anyqtalǵandaı, kámeletke tolmaǵan qyzǵa jynystyq sıpattaǵy qylmys jasaǵany úshin jazasyn ótep jatqan sottalǵan azamat túzeý mekemesinde asylyp, ózine qol jumsaǵan, — dep habarlady Pavlodar oblysy boıynsha Qylmystyq-atqarý júıesi departamenti.
Jigit sáýir aıynda 16 jasqa tolmaǵan adammen jynystyq qatynasqa túskeni úshin kináli dep tanylyp, Pavlodardaǵy túzeý mekemesine qamalǵan. Tergeý málimetinshe, 19 jastaǵy jigit pen 15 jastaǵy qyz ózara kelisimmen birneshe ret jynystyq qatynasqa túsken. Bul jaǵdaıdan qyzdyń anasy habardar bolǵan soń, polıtsııaǵa aryzdanǵan. Osydan keıin atalǵan derek boıynsha qylmystyq is qozǵalǵan.
Buǵan deıin Aıjan Aımaǵanova zorlyq-zombylyqqa tosqaýyl qoıýdyń jańa tetigin usynǵanyn habarlaǵanbyz.
