Pavlodarda 1,5 mln tonna mal azyǵy daıyndaldy

PAVLODAR. KAZINFORM — Óńirde shóp shabý jumystary áli de jalǵasyp jatyr. Qazirgi ýaqytta fermerler jalpy kólemi 1,5 mln tonna shóp daıyndap úlgerdi.

Bıyl qyrkúıekte Ertis ózeni taǵy tasýy múmkin ekenin habarlaǵanbyz. Soǵan oraı jaıylmalardan mal azyǵyn daıyndaıtyn sharýalarǵa shópti erterek qamdap alýǵa keńes berilgen. Deıturǵanmen tamyz aıynyń sońy men qyrkúıektiń alǵashqy jartysy jańbyrly bolyp, shóp jabý jumystary turyp qaldy. Tek sońǵy aptalarda ǵana fermerler shalǵylaryn shabyndyqtarǵa qaıta túsirip, naýqandy jalǵastyrdy.

Óńirlik aýyl sharýashylyǵy basqarmasynan habarlaǵandaı, qazirgi ýaqytta oblysta 1,5 mln tonna shóp daıyndaldy. Óńirdegi sharýa qojalyqtary jospar boıynsha bir jarym jyldyq qor túzýi kerek. Josparǵa súıensek, ol — 1 mln 823 myń tonna. Ertis ózeni jaıylmalaryndaǵy shabyndyqtardyń tek jartysy ǵana shabylady dep boljanyp otyr. Sebebi shóp qyrda da jaqsy shyqqan.

Buǵan deıin Ertis-Baıan óńirindegi shabyndyqtarda shóptiń shyǵymdylyǵy ár gektardan 8,9 tsentnerden aınalyp jatqany týraly jazǵanbyz.