Pavlodarda 14 Ózbekstan azamaty ustaldy
ASTANA. QazAqparat - Pavlodar oblysynda Qazaqstan Respýblıkasyna kelý talaptaryn buzǵan 876 sheteldik azamat ákimshilik jaýapkershilikke tartyldy, dep habarlaıdy pavlodarnews.kz.
Bul týraly oblystyq ІІD baspasóz qyzmeti málim etti.
- Sotqa 358 ákimshilik materıal joldandy, - dedi baspasóz qyzmetinde. - Olardy qaraý nátıjesinde TMD elderiniń 34 azamatyn elden shyǵarý sheshimi qabyldandy. TMD elderiniń 805 azamaty jáne alys sheteldiń 1 azamaty boıynsha Qazaqstan Respýblıkasyna ýaqytsha kelý merzimderi qysqartyldy.
Departamenttiń málimdeýinshe, sheteldik kúshterdi zańsyz paıdalanýdyń 33 faktisi anyqtaldy. Sheteldik azamattardy zańsyz jaldaǵan jumys berýshiler QR ÁQBtK 519-baby boıynsha ákimshilik jaýapkershilikke tartyldy.
Sheteldikterdiń Qazaqstan Respýblıkasyna kelýdiń belgilengen talaptaryn saqtaýyn qamtamasyz etpegeni úshin QR 147 azamaty ákimshilik jaýapkershilikke tartyldy. - «Nelegal-2018» jedel-profılaktıkalyq sharasyn ótkizý úshin polıtseılermen JShS bazasyn tekserý barysynda sáıkes qujattarynsyz júrgizýshi retinde jumys atqaryp júrgen 14 Ózbekstan Respýblıkasynyń azamattary ustaldy. Osy fakt boıynsha QR ÁQBtK 517-baby 2-bólimi jáne 5-bólimi boıynsha ákimshilik hattamalar toltyrylyp, 15 AEK ákimshilik aıyppul men 3 táýlikke ustaý túrinde jaza kesildi, - dedi departamentte.
Aıta keteıik, aǵymdaǵy jyldyń mamyr aıynan bastap Ertis aýdany aýmaǵynda zańsyz eńbek etken 18 Ózbekstan azamattary anyqtaldy. Bir sheteldik azamatqa qatysty elden shyǵarý týraly, al qalǵandaryna ákimshilik aıyppul túrindegi sheshim qabyldandy.
