Pavlodarda 13 jyldan beri izdeýde júrgen azamat ustaldy

Pavlodarlyq jedel ýákilder 13 jyl boıy izdeýde júrgen azamatty ustady, dep habarlaıdy Kazinform. Polisia.kz-ke silteme jasap. 

Jedel ýákilder 67 jastaǵy áıeldi ustady, ol alaıaqtyq jasaǵany úshin sottan jasyrynǵan. 2006 jyly Almaty qalasynda ol memlekettik baǵdarlama boıynsha turǵyn úıdi resimdeý boıynsha qyzmetterdi usyna otyryp, bir áıeldi 36 mıllıon teńgege aldaǵan.

Kúdiktiniń ýádelerinen ábden kóńili qalǵan jábirlenýshi shydamy taýsylyp, polıtsııaǵa júgingen. Al 2010 jyldan beri kúdikti múlde joǵalyp ketken.

– Kúdikti izdestirildi. Jedel-izdestirý is-sharalarynyń nátıjesinde qyzmetkerler Ekibastuz qalasynda kúdiktini ustady. Qazirgi ýaqytta kúdikti ýaqytsha ustaý ızolıatorynda. Іzdestirý bastamashysyna ustalǵany týraly habarlandy, – deıdi Pavlodar oblysynyń polıtsııa departamenti.

Vedomstvonyń málimetinshe, qylmystyq quqyq buzýshylardy izdestirý jumystary polıtsııa basshylyǵynyń erekshe baqylaýynda. Tek osy jyly pavlodarlyq jedel ýákilder 126 qylmyskerdi izdestirdi.

– Sot tóreliginen jasyrynýdyń maǵynasy joq. Qashqyndar sot tóreligi úshin qol jetimsiz bolyp, óz qalalary men elderinen tys jerde jasyrynyp júrse de, olar jasaǵan áreketteri úshin áli de jaýap berýi kerek, – dep atap ótti polıtsııa.