Pavlodarda 1,3 mln teńge para alǵan sheneýnik sottalyp, bastyǵy jumystan qýyldy

PAVLODAR. KAZINFORM — TJM Ónerkásiptik qaýipsizdik komıtetiniń Pavlodar oblysy boıynsha departamentiniń bólim basshysy sottaldy. 

17 maýsymda Pavlodar qalasynyń № 2 sotynyń úkimimen Tótenshe jaǵdaılar mınıstrligi ónerkásiptik qaýipsizdik komıteti oblystyq departamentiniń bólim basshysy Q.Temirhanov 3 jylǵa bas bostandyǵynan aıyryldy.

Ol ónerkásiptik qaýipsizdik salasynda jyl saıyn tekserý júrgizý kezinde jalpy qamqorlyǵy úshin kásiporyn basshysynan 1,3 mln teńge somasynda para aldy dep aıyptaldy.

Memlekettik qyzmet týraly zańnyń 10-babyna sáıkes memorgan basshylary baǵynysty memlekettik qyzmetshiler tarapynan sybaılas jemqorlyqtyń aldyn alýǵa tıis.

Osyǵan baılanysty Qylmystyq-protsestik kodekstiń 200-baby tártibinde engizilgen Pavlodar oblysynyń sybaılas jemqorlyqqa qarsy qyzmetiniń usynysy boıynsha óziniń laýazymdyq mindetterin tıisinshe oryndamaǵany úshin joǵaryda atalǵan departamenttiń basshysy men onyń orynbasary laýazymynan bosatyldy.

Sot úkimi zańdy kúshine engen joq.