Pavlodarda 1200-den astam kópqabatty úı jylýǵa qosyldy
PAVLODAR. KAZINFORM — Pavlodar qalasynda jylytý maýsymy bastalǵaly áleýmettik nysandar jylýmen tolyqtaı qamtylǵan. Kópqabatty turǵyn úılerdi ortalyqtandyrylǵan jylý júıesine qosý jumystary da aıaqtalý kezeńinde.
Qalada áleýmettik nysandar men jeke sektordy ortalyqtandyrylǵan jylý júıesine qosý jumystary 14 qyrkúıekte bastalǵan. Qala ákimdiginiń málimetinshe, qazirgi ýaqytta barlyq áleýmettik nysan jylýmen qamtylǵan.
— Kópqabatty turǵyn úıler men jylý energııasynyń ózge de tutynýshylary úshin jylytý maýsymy 28 qyrkúıekte bastaldy. Búginde Pavlodardaǵy 1342 kópqabatty turǵyn úıdiń 1202-si jylý júıesine qosyldy, — dep habarlady qala ákimdiginen.
Qalǵan kópqabatty úılerdi jylý júıesine qosý jumystary belgilengen kestege sáıkes jalǵasyp jatyr.
Eske sala keteıik, Pavlodarda jylý júıesindegi apattardy anyqtaıtyn tsıfrlyq júıe engizilip jatyr.
