Pavlodarda 12 jasar qyzdy zorlaǵan bozbalaǵa qatysty sot úkimi shyqty
PAVLODAR. KAZINFORM - Aıyptalýshy qaýipsizdigi ortasha túzeý mekemesinde on jyl jazasyn óteıdi.
Pavlodar oblysy Sharbaqty aýylynyń turǵyny, byltyr shilde aıynda sábıli bolǵan 12 jastaǵy qyzdyń otbasy 2019 jyly Monǵolııadan Qazaqstanǵa kóship kelgen. 2023 jyldyń qazan aıynda sol úıdiń týysy, 16 jasar bozbala qyzdy zorlaǵan. Kolledjdiń birinshi kýrsynda oqıtyn ol ótken jyldyń sáýir aıynda qamaýǵa alynǵan.
- Qylmystyq isti oblystyq qylmystyq ister jónindegi mamandandyrylǵan aýdanaralyq soty jabyq sot otyrysynda qarady. Jigitke QR Qylmystyq kodeksiniń 120-babynyń tórtinshi bóligi – «Kámeletke tolmaǵandy zorlaý» jáne 121-babynyń tórtinshi bóligi – «Kámeletke tolmaǵanǵa qatysty seksýaldyq sıpattaǵy zorlyq-zombylyq áreketteri» boıynsha úkim shyǵardy. Kináli azamat qaýipsizdigi ortasha túzeý mekemesinde on jyl aıybyn óteıdi. Úkim zańdy kúshine engen joq,-dep habarlady óńirlik sottan.
Buǵan deıin Pavlodarda 12 jastaǵy oqýshy qyz dúnıege sábı ákelgeni týraly jazǵanbyz.
Keıin 12 jasynda ana atanǵan pavlodarlyq qyzdyń oqıǵasyna qatysty jańa derekter shyqty.