Pavlodarda 12 jasar balany kólik qaǵyp ketti
PAVLODAR. QazAqparat – Pavlodarda velosıped aıdap kele jatqan 12 jasar balany kólik qaǵyp ketti, dep habarlaıdy QazAqparat Ravlodarnews.kz-ke silteme jasap.
- 2 shilde kúni saǵat 11.30-da qaladaǵy Vorýshın – Gagarın kósheleriniń qıylysynda rýlde 35 jastaǵy júrgizýshi bolǵan «GAZ 33021» avtokóligi men velosıpedshi soqtyǵysqan. Jol-kólik oqıǵasy saldarynan velosıpedshi jaraqat alyp, aýrýhanaǵa jetkizildi, - deıdi oblystyq polıtsııa departamentiniń baspasóz qyzmetinde.
Avtokólik arnaıy aıyp turaǵyna qoıylyp, tekserý júrgizilýde.
Aıta ketý kerek, aǵymdaǵy jyldyń alty aıynda Pavlodar oblysy boıynsha 221 jol-kólik oqıǵasy tirkeldi. Ókinishke oraı, jol apatynan 13 adam qaza tapty, 321 adam jaraqat aldy.
