Pavlodarda 12 jasar balany qaǵyp, qashyp ketken júrgizýshi ustaldy
ASTANA. QazAqparat - Pavlodarda 12 jasar balany kólikpen qaǵyp ketip, oqıǵa ornynan izin sýytqan júrgizýshi ustaldy, dep habarlaıdy QazAqparat tilshisi Pavlodar oblystyq Polıtsııa departamentiniń VKontakte paraqshasyna silteme jasap.
«Pavlodarlyq polıtsııa qyzmetkerleri ótkizilgen is-sharalar barysynda 2006 jyly týǵan balany Lomov-Kataev kósheleriniń qıylysynda qaǵyp ketip, jol-kólik oqıǵasy ornynan izin sýytqan Pavlodar qalasynyń turǵynyn anyqtap, ustady», - delingen habarlamada.
Anyqtalǵanyndaı, oqıǵa saldarynan jaraqat alǵan bala aýrýhanaǵa jetkizilgen. Jol-kólik oqıǵasy tirkelgennen keıin Polıtsııa departamentiniń jeke quramy birden álgi júrgizýshini izdeýge kirisken. Aqyry, júrgizilgen is-sharalardyń nátıjesinde jergilikti polıtsııa qyzmetiniń izdestirý bólimi qyzmetkerleri «BMW» avtokóligin tizgindegen 27 jastaǵy Pavlodar turǵynyn ustaǵan.
Kúdikti Pavlodar qalasynyń ýaqytsha ustaý ızolıatoryna qamaldy. Qazirgi ýaqytta QR Qylmysty kodeksiniń 345-baby boıynsha sotqa deıingi tergeý amaldary júrgizilip jatyr.
