Pavlodarda 11286 adamnyń áleýmettik mártebesi ózektendirilmegen
PAVLODAR. QazAqparat - Pavlodarda azamattardyń áleýmettik mártebesi týraly turǵyndarmen túsindirý jumysy, aýlalardy aralaý júrgizilip, habarlamalar men saýalnamalar taratylýda, dep habarlaıdy pavlodarnews.kz.
Qalalyq ákimdik baspasóz qyzmetiniń málimdeýinshe, eger, azamat jumyssyz bolsa – halyqty jumyspen qamtý ortalyǵynda resmı tirkelýi tıis. Al, eger eńbek kelisimshartynsyz jumys istese – jumys berýshimen eńbek qatynastaryn resmı túrde resimdeýi qajet.
Jylyna 1175 AEK deıin nemese 3 mıllıon teńgege deıin kiris ákeletin ózin-ózi jumyspen qamtýshy qala turǵyndary 1 AEK kóleminde, aýyldyq jerlerde turatyndar 0,5 AEK kólemde Biryńǵaı jıyntyq tólemdi tóleıdi. Biryńǵaı jıyntyq tólemdi kez kelgen bank kassalarynda, «Qazposhta» AQ bólimshelerinde, «Azamattarǵa arnalǵan úkimet» «Memkorporatsııa» ÚAQ esebine tóleýge bolady. Tólem ár aıǵa jeke tólenýi tıis. Áleýmetik mártebeni naqtylaý men qalyptastyrý kezinde keıinnen azamatqa áleýmettik tólem men kepildi alý, laıyqty zeınetti qamtamasyz etý, el ekonomıkasyna beıresmı qamtylǵan halyqty tartý, jumyssyz azamattardy ónimdik jumyspen qamtý kepildendirilgen.
Qazirgi ýaqytta qala boıynsha 39 myńnan asa azamattyń áleýmettik mártebesi ózektendirilgen. Al, 11286 azamattyń mártebesi ózektendirilmegen. Turǵyndarǵa túsindirý jumystary men aýlalardy aralaý júrgizilýde. Sondaı-aq habarlamalar men saýalnamalar taratylýda.
Aıta keteıik, óz áleýmettik mártebesin naqtylaý úshin
turǵyndar Pavlodar qalasy, Ak.Bekturov kóshesi, 115 B mekenjaıy boıynsha halyqty
jumyspen qamtý ortalyǵyna júginýleri qajet. 21-54-75,
21-54-80 telefondary nemese egov.kz. Elektrondy Úkimet portaly arqyly óz
mártebesin naqtylaýǵa bolady.
