Pavlodarda 100-ge kelgen ájeı jeke kýáligin jańartty

PAVLODAR. KAZINFORM – Polıtseıler Ertis aýylynda turatyn 100 jastaǵy turǵynǵa jeke kýáligin arnaıy aparyp tabystaǵan. Tártip saqshylary mereıtoı ıesin quttyqtap, oǵan zor densaýlyq, amandyq jáne uzaq ǵumyr tiledi.

Evdokııa Alekseevna búginde Ertis aýdany ortalyǵynda turady. Ǵasyrlyq jasqa tolǵan ájeıdiń Halyq qyzmet kórsetý ortalyǵyna óz betinshe barýy qıyn bolǵandyqtan, tártip saqshylary qujattardy rásimdeýdi kóshpeli túrde uıymdastyrdy. 

– Polıtsııa qyzmetkerleri daıyn qujatty jeke tapsyrý úshin Evdokııa Bezrýkovanyń úıine arnaıy bardy. Mundaı is-sharalar memlekettik qyzmetter kórsetý jáne qart azamattardy qoldaý jumystary aıasynda júrgiziledi. Aǵa býyn ókilderine qamqorlyq jasaý – qyzmetimizdiń mańyzdy baǵyttarynyń biri, - deıdi Pavlodar oblysy kóshi-qon polıtsııasynyń aǵa ınspektory Baqyt Ermekpaeva.

Tártip saqshylary mereıtoı ıesin quttyqtap, oǵan zor densaýlyq, amandyq jáne uzaq ǵumyr tiledi.

Buǵan deıin kerekýlik soǵys ardageri 100 jasqa tolǵanyn jazǵanbyz.