Pavlodarda 100-den astam oqýshy ata-analarymen birge qustarǵa uıa ildi
ASTANA. QazAqparat - Pavlodarda «Uly dala eli - Táýelsizdiktiń 25 negizderi» 25 juldyzdy kún aıasynda ótken «Qysta qustarǵa qamqorlyq jasa» aktsııasy barysynda ekologııa jáne týrızm ortalyǵyndaǵy ekologııalyq-botanıkalyq kesheni aýmaǵynda oqýshylar ata-analarymen birge daıyndaǵan qustarǵa arnalǵan uıalardy ildi, dep habarlaıdy pavlodarnews.kz.
Qalalyq bilim berý bóliminiń málimetinshe, «Jasyl ǵalamshar» dep atalatyn ekologııalyq oıynǵa 3-7 synypta oqıtyn 100-den astam oqýshydan quralǵan toǵyz komanda qatysqan. Ár top baǵdar paraǵyna sáıkes belgili stantsııadan ótkennen keıin áripter jınaǵynyń konvertin tolyqtyryp otyrdy. Olardyń negizgi mindeti jınalǵan áripterden «Jasyl ǵalamshar» oıynynyń urany «EKSPO stılinde ómir súrý» sóz tirkesin qurý boldy. - «Tabıǵı balgerler», «Qaldyqtardyń tirshiligi» , «Qysta qustarǵa qamqorlyq jasa» aktsııasy, «Densaýlyq soqpaǵy», «Biz jáne tabıǵat» , «Meniń Otanym - Qazaqstan» atty taqyryptyq stantsııalarynda balalar janýarlar jáne bólme, tropık ósimdikteri týraly suraqtarǵa jaýap berip, qustarǵa arnalǵan uıalar daıyndady. Sondaı-aq, orman ósimdikteriniń adam ómirinde atqaratyn róli týraly tanymdyq oıynǵa qatysty, - deıdi bilim berý bóliminiń mamany Baljan Ádilhanova. 
