Pavlodarda 10 jasar qyzǵa azǵyndyq áreket jasaǵan bapker ustaldy

PAVLODAR. KAZINFORM - Áleýmettik jelide fýtbol bapkeriniń kámeletke tolmaǵan qyzǵa azǵyndyq áreket jasaǵany týraly aqparat paıda boldy. Polıtsııa kúdiktini ustap, ýaqytsha qamaý ortalyǵyna ornalastyrǵan.

Oblys ortalyǵynda 10 jasar qyzǵa azǵyndyq áreket jasaǵan azamat ustaldy. Ol Pavlodar qalasynda fýtbol bapkeri bolyp qyzmet etken.

Er adam kámeletke tolmaǵan qyzǵa tıisip, ony keıbir áýretti jerlerin ustaýǵa májbúrlegen. Ol jasóspirimdi qonaqúıge alyp ketip, keıin úı aýlasyna qaıtarǵan.

Óńirlik polıtsııa departamentiniń baspasóz qyzmeti kúdiktiniń ustalǵany týraly habarlady.

«Kámeletke tolmaǵanǵa qatysty jynystyq sıpattaǵy zorlyq-zombylyq jasady degen kúdikpen qylmystyq is qozǵaldy. Kúdikti ustalyp, Pavlodar qalasynyń ýaqytsha ustaý ızolıatoryna qamaldy», – dep málimdedi departamentten.

Eske sala keteıik, Pavlodarda jasy 80-nen asqan zeınetker kishkentaı qyz balalarǵa azǵyndyq jasaǵan