Pavlodarda 10 tonnadan astam balyqty zańsyz ótkizbek bolǵandar ustaldy
ASTANA. QazAqparat - Pavlodardyń tabıǵatty qorǵaý polıtsııasynyń qyzmetkerleri «Kýrchatov-Qalqaman» tasjolynda balyq tıelgen «Scania 113» markaly avtokóligin ustady, dep habarlaıdy pavlodarnews.kz.
Oblystyq ІІD-niń baspasóz qyzmeti habarlaǵandaı, tekseris barysynda 54 jastaǵy júrgizýshi men 31 jastaǵy jolaýshynyń balyq tasmaldaýǵa arnalǵan tıisti qujattary bolmaǵan.
«Kúdiktilerdiń aıtýynsha, olar Shyǵys Qazaqstan oblysy Prıozernoe aýyly, Zaısan ózeni boıyndaǵy jergilikti turǵyndardan 10500 keli balyq satyp alyp, taýardy Qaraǵandy qalasynda satýdy kózdegen. Júk kóliginde toǵyz tonnadaı kókserke, shortan, móńke, alabuǵa, taban balyqtary tıelgen. Atalmysh faktige qatysty QR QK 335-babynyń 1-bólimine sáıkes sotqa deıingi tergeý júrgizilýde», - dedi departamentte.
Aıta keteıik, Shyǵys Qazaqstan oblysynda 16 sáýir-30 mamyr aralyǵynda balyq aýlaýǵa tyıym salynǵan. Sebebi osy kezeńde balyqtardyń ýyldyryqtaryn shashý maýsymy bastalady. Al, Pavlodar óńirinde 10 mamyrdan bastap balyq aýlaýǵa ruqsat etilmeıdi.
