Pavlodarda 10 mln teńgeniń esirtkisin saýdalamaq bolǵan kúdikti ustaldy
ASTANA. QazAqparat - Pavlodar oblysynda «Kóknár» jáne «Kanal» esitkige qarsy operatsııa júrgizý barysynda asa iri kólemdegi esirtki tasymalyna tosqaýyl qoıyldy.
Oblystyq ІІD baspasóz qyzmetiniń málimetinshe, Torgovaıa kóshesindegi janarmaı quıý beketiniń janynda júk kóligin tizgindegen 58 jastaǵy qala turǵyny ustaldy, dep habarlaıdy ravlodarnews.kz .
«Kóliktiń bagajyn tekserý barysynda arnaıy daıyndalǵan qupııa orynda jalpy salmaǵy 181 keli marıhýana jáne bes keli gashısh anyqtaldy. Zańsyz aınalymnan alynǵan zattyń quny 10 mıllıon teńgeni quraıdy», - dedi departamentte. Atalmysh faktige qatysty "asa iri kólemde saýdalaý maqsatynda esirtki zattaryn zańsyz saqtaý" baby boıynsha sotqa deıingi tergeý júrgizilýde. Bul sanktsııa boıynsha kúdiktilerdiń múlki tárkilenip, 10 jyldan 15 jylǵa deıin bas bostandyǵynan aıyrylýy múmkin. Qazirgi tańda quryqtalǵan azamat Pavlodar qalasy ІІB ýaqytsha ustaý oqshaýlaǵyshyna qamaldy.
