Pavlodarda 10 qabatty turǵyn úıde balkondardyń jáne terezelerdiń jaqtaýlary órtendi, bir adam zardap shekti
ASTANA. 11 maýsym. QazAqparat - Pavlodar qalasynda 10 qabatty turǵyn úıde balkondardyń jáne terezelerdiń jaqtaýlary órtenip, turǵyndar qaýipsiz jerge shyǵaryldy, dep habarlaıdy QR TJM baspasóz qyzmetinen.
10 maýsym kúni Pavlodar qalasynda Amangeldi kóshesi 19/1 mekenjaıy boıynsha ornalasqan úıdiń 8, 9 jáne 10-ynshy qabattarynda balkondardyń jáne terezelerdiń jaqtaýlary otqa orandy.
Jalyn 30 sharshy metr aýmaqty sharpydy. 12 adam qaýipsiz jerge shyǵaryldy. Órttiń saldarynan 33 jastaǵy er adam ysty gazǵa ýlanyp, aýrýhanaǵa jetkizildi.
Tilsiz jaýdy aýyzdyqtaýǵa QR TJM Pavlodar oblystyq TJD órt sóndirý qyzmetiniń 17 mamany men 6 tehnıkasy jumyldyryldy.
