Pavlodarda 10 aılyq sábıin aıaýsyz uryp-soqqan áıelge qatysty tergeý bastaldy
PAVLODAR. QazAqparat – Pavlodar qalasyndaǵy úıdiń biriniń kireberisinde anasy 10 aılyq sábıin aıaýsyz uryp-soqqany vıdeoǵa túsip qalǵan, dep habarlaıdy QazAqparat Polisia.kz-ke silteme jasap.
Áleýmettik jelige monıtorıng júrgizý kezinde pavlodarlyq polıtseıler Instagram-nan anasynyń 10 aılyq balany aıaýsyz uryp-soqqan beınejazbany tapty.
«Bul fakti qalanyń Soltústik polıtsııa bóliminde tirkelgen. Balanyń anasy 32 jastaǵy áıel ekendigi anyqtaldy. Oǵan qatysty Qylmystyq kodekstiń 140-baby boıynsha sotqa deıingi tergeý bastaldy. Qajetti saraptama taǵaıyndaldy», – dedi Pavlodar oblystyq polıtsııa departamentiniń bastyǵy Nurlan Másimov.
Polıtsııa balany dárigerler teksergenin jáne onyń ómirine qaýip tónbeıtinin aıtty.
Qazirgi ýaqytta balany qorǵaý úshin aýrýhanaǵa jatqyzyldy, ol dárigerlerdiń baqylaýyna alynǵan.
«Áıeldiń 14 jáne 12 jastaǵy, 10 aılyq kámeletke tolmaǵan úsh bala tárbıelep otyrǵany anyqtaldy», - dedi Pavlodar oblystyq polıtsııa departamentiniń bastyǵy.
