Pavlodarda 1 synyp oqýshysy «margantsovkadan» ýlandy
Oblystyq polıtsııa departamentiniń málimetinshe, Pavlodar mektebinde birinshi synyp oqýshysy muǵalim qadaǵalaýynsyz qalyp, shkafty ashyp, kalıı permanganatyn aýzyna quıǵan.
Jedel járdem kelgenge deıin mektep medbıkesi balanyń aýzyn shaıǵyzdy. Kámeletke tolmaǵan bala oblystyq balalar aýrýhanasyna jetkizildi.
– Polıtseıler anyqtaǵandaı, birneshe kún buryn synyp tárbıeshisi basqa oqýshynyń qol-aıaǵyn zararsyzdandyrý maqsatynda medıtsınalyq qyzmetkerdiń kabınetinen margantsovka alǵan. Keıin asyǵysta margantsovkany jumys ústeliniń shkafyna salǵan, - habarlaıdy Pavlodar oblysy PD baspasóz qyzmeti.
Bul fakti boıynsha QR QK 141-babyna sáıkes, ıaǵnı «balalar densaýlyǵy men qaýipsizdigin qamtamasyz almaǵan týraly» sot aldyndaǵy tekseris júrip jatyr.
Sot-medıtsınalyq saraptama jasaý tapsyryldy.
