Astanada halyqtyń dene daıarlyǵyn baǵalaýǵa arnalǵan Prezıdenttik testter bastaldy
ASTANA.KAZINFORM - Saltanatty ashylý rásimine Prezıdenttik testter jáne prezıdenttik kópsaıys federatsııasynyń prezıdenti, Joǵary aýdıtorlyq palatanyń tóraǵasy Álıhan Smaıylov pen Týrızm jáne sport mınıstri Erbol Myrzabosynov qatysty, dep habarlaıdy QR Týrızm jáne sport mınıstrliginiń baspasóz qyzmeti.
І s-sharanyń ashylý rásiminde Erbol Myrzabosynov Memleket basshysynyń buqaralyq sportty damytýǵa jáne salamatty ómir saltyn qalyptastyrýǵa erekshe mán beretinin atap ótti.
Onyń aıtýynsha, Prezıdenttik testter azamattardyń dene daıarlyǵy deńgeıin baǵalap, turǵyndardy sportpen turaqty túrde aınalysýǵa yntalandyratyn mańyzdy joba.
-Búgin elimizdiń barlyq óńirinen kelgen qatysýshylar bas qosyp otyr. Árqaısyńyz óz óńirińizde sport pen belsendi ómir saltyn nasıhattaýǵa úles qosyp júrsizder. Prezıdenttik testter – sporttyq jarystan bólek, adamdardyń densaýlyǵyn nyǵaıtý, jigerdi shyńdaý jáne buqaralyq sportty damytý ıdeıasy tóńiregine biriktiretin mańyzdy bastama, – dedi mınıstr.
Prezıdenttik testter 29-30 maýsym kúnderi respýblıkalyq sporttyq-buqaralyq is-sharalardyń biryńǵaı kúntizbelik josparyna sáıkes Jeńil atletıka sport kesheninde ótip jatyr.
Jarysqa elimizdiń barlyq óńirinen kelgen ókilder qatysyp jatyr. Baǵdarlama aıasynda qatysýshylar kermege tartylý, uzyndyqqa sekirý, qysqa qashyqtyqqa júgirý jáne tózimdilikke júgirý boıynsha normatıvterdi oryndaıdy.
Prezıdenttik testter – halyqtyń dene daıarlyǵy deńgeıin baǵalaýǵa arnalǵan negizgi is-sharalardyń biri. Ol azamattardyń densaýlyǵyn nyǵaıtýǵa, salamatty ómir saltyn keńinen nasıhattaýǵa jáne Qazaqstanda buqaralyq sportty odan ári damytýǵa baǵyttalǵan.
Aıta keteıik, BAQ qyzmetkerleri kúnine oraı 9 sport jýrnalısine «Aqparat salasynyń úzdigi» tósbelgisi berildi.
