Pavlodar jastary Qanyshtyń izimen attandy

PAVLODAR. KAZINFORM — Bıyl qazaq halqynyń maqtanyshy, ǵulama ǵalym, akademık Qanysh Sátbaevtiń 125 jyldyq mereıtoıy. Osyǵan oraı Pavlodar oblysynyń shyǵarmashyl jastarynan jasaqtalǵan ekspedıtsııa jolǵa shyqty.

«Qanyshtyń izimen» atalǵan ekspedıtsııa quramynda mádenıet óner, ádebıet, ǵylym salalarynda enbek etip kele jatqan 35 jasqa deıingi jastar qamtylǵan.

Qatysýshylar Q.Sátbaevtyń ǵumyrnamasynda mańyzdy ról atqarǵan Ulytaý oblysynda, Jezqazǵan, Sátbaev qalalary, Qarsaqbaı, Jezdi eldi mekenderinde bolady dep josparlanǵan. 

Qarsaqbaı aýylyndaǵy akademık Qanysh Sátbaevtyń mýzeı-úıine jáne Jezdi kentindegi Taý-ken jáne barlaý isi tarıhı mýzeıine, Jezqazǵan qalasynda akademık Sátbaev atyndaǵy tarıhı-óndiristik mýzeıine arnaıy barmaq.

«Ertis-Baıan óńirinen shyqqan tarıhı tulǵalarymyzdy ulyqtaý, Qanysh Imantaıulynyń murasyn dáripteý — negizgi maqsatymyz. Ekspedıtsııa barysynda tulǵanyń ómirine qatysty tyń derekterge kenelemiz degen oıdamyz», -deıdi Marǵulan atyndaǵy pedagogıkalyq ýnıversıtetiniń ǵylymı qyzmetkeri, ekspedıtsııa múshesi Muzafar Bolatbek.

Eske sala keteıik, Pavlodarda Qanysh Sátbaev syılaǵan jazý mashınkasy saqtalyp tur. 

Qanyshtyń ákesi Imantaı Sátbaıulyna «Halyq sýdıasy» tósbelgisi ne úshin berilgenin áńgimelegen edik.