Pavlodar jáne Shyǵys Qazaqstan oblystary aýmaǵyndaǵy respýblıkalyq joldar ashyldy

Bul týraly búgin «Qazaqavtojol» RMK-nyń baspasóz qyzmetinen habarlady.

Pavlodar oblysy aýmaǵyndaǵy kóktaıǵaq saldarynan keshe keshqurym «Ýlıanovskıı-Kerneı-Baıanaýyl-Qalqaman» jolynyń 104-114 shaqyrymy aralyǵynda avtokóliktiń barlyq túrleri úshin jol qozǵalysyna shekteý qoıylǵan bolatyn. Búgin saǵat 06.00-den beri bul jol ashyldy.

Budan bólek Shyǵys Qazaqstan oblysy óńirindegi boranǵa baılanysty keshe keshke qaraı birqatar joldarda kólik qozǵalysyna tyıym salynǵan edi.

Atap aıtqanda, "Óskemen-Zyrıan-Rahman bulaqtary" jolynyń 6-166 shaqyrymyndaǵy "Óskemen-Zyrıan" aralyǵynda, "Almaty-Óskemen" jolynyń 977-1079 shaqyrymyndaǵy "Qalbataý-Óskemen"aralyǵynda, "Óskemen-Shemonaıha-RF shekarasy" avtojolynyń 15-123 shaqyrymyndaǵy "Glýbokoe aınalymy-RF shekarasy" aralyǵynda, "Óskemen-Semeı" jolynyń 0-198 shaqyrymynda, "Omby-Maıqapshaǵaı" avtojolynyń 84-114 shaqyrymyndaǵy "Semeı-Qalbataý" aralyǵynda avtokóliktiń barlyq túrleri úshin jol jabylǵan bolatyn. Búgin tańerteńnen bastap atalǵan joldardyń barlyǵynda kólik qozǵalysy jandandy.