Pavlodar jáne Qaraǵandy óńirlerinde jol qozǵalysy shekteldi

ASTANA. KAZINFORM — Pavlodar jáne Qaraǵandy oblystarynda aýa raıynyń qolaısyzdyǵyna baılanysty joldar jabyldy, dep habarlaıdy «QazAvtoJol» UK baspasóz qyzmeti.

30 jeltoqsan saǵat 13:00–de aýa raıynyń buzylýyna baılanysty kelesi joldarda shekteý engizildi.

Pavlodar oblysy:

— «Astana — Shiderti — Pavlodar — Ýspenka — RF shekarasy» avtojolynyń 254-416 shaqyrymy aralyǵynda (Shiderti aýylynan Atameken aýylyna deıin) kóliktiń barlyq túriniń qozǵalysyna shekteý qoıyldy.

30 jeltoqsan saǵat 13:20–da aýa raıynyń buzylýyna baılanysty kelesi respýblıkalyq mańyzy bar avtojoldarda kóliktiń barlyq túrlerine shekteý qoıyldy:

Qaraǵandy oblysy:

— «Qyzylorda — Jezqazǵan — Qaraǵandy — Shiderti» avtojolynyń 1067-1135 shaqyrym aralyǵy (Molodejnyı aýyly — Pavlodar oblysynyń shekarasy);

— «Qalqaman — Baıanaýyl — Úmitker — Botaqara» avtojolynyń 231–324 shaqyrym aralyǵy (Pavlodar oblysynyń shekarasy — Botaqara aýyly).

Pavlodar oblysy:

— «Qyzylorda — Jezqazǵan — Qaraǵandy — Shiderti» avtojolynyń 1135-1206 shaqyrym aralyǵy (Qaraǵandy oblysynyń shekarasy — Shiderti aýyly).

— «Qalqaman — Baıanaýyl — Úmitker — Botaqara» avtojolynyń 0- 231 shaqyrym aralyǵy (Qalqaman aýyly — Qaraǵandy oblysynyń shekarasy)

Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady.

Budan buryn Qaraǵandy men Temirtaý arasyndaǵy jolda 500 avtokólik kepteliste turyp qalǵanyn jazǵan edik.

Sonymen qatar Qarjy naryǵyn retteý jáne damytý agenttigi jappaı jol apatynan kólikti qorǵaýdyń joldaryn túsindirdi.