Pavlodar jáne Aqsýda tústen keıin oqıtyn 1-4 synyp oqýshylary qashyqtan oqýǵa aýystyryldy

PAVLODAR. KAZINFORM — Aýa raıynyń qolaısyzdyǵyna baılanysty oblystyń birneshe qalasy men aýdandary tústen keıin oqıtyn bastaýysh synyptardy onlaın formatqa kóshirdi.

Bul týraly Pavlodar oblystyq bilim berý basqarmasynan habarlady.

— 2005 jylǵy 9 jeltoqsanda Pavlodar qalasynyń barlyq mektepterinde qolaısyz aýa raıyna baılanysty mektepaldy daıarlyq toptary men 1-4 synyptardyń ekinshi aýysym oqýshylary qashyqtan oqytý formatyna aýystyrylady. Aýa temperatýrasy mınýs 15, soltústik-shyǵystan soqqan jeldiń ekpini sekýndyna 8-14 metr, — dep málimdedi basqarmadan.

Sondaı-aq mundaı sheshimdi Aqsý qalasynyń bilim berý bólimi de qabyldady. Munda barlyq mektepterdegi oqýshylardy tasymaldaý toqtatyldy.

Oblystyq bilim berý basqarmasynyń aqparatynsha, Aqtoǵaı, Jelezın, Tereńkól, Pavlodar, Ýspen, Sharbaqty aýdandarynyń bastaýysh synyptary da úıden oqıdy.

Eske sala keteıik, Qostanaı oblysynda aıazǵa baılanysty 1-synyp oqýshylary qashyqtan oqıdy.