Pavlodar vokzalynda koronavırýsqa qarsy oqý-jattyǵý ótti
PAVLODAR. QazAqparat – «Qazaqstan temirjoly» kompanııasy Pavlodar vokzalyndaǵy koronavırýs týraly taraǵan daqpyrtty joqqa shyǵardy, dep habarlaıdy QazAqparat.
«Pavlodar vokzalyndaǵy koronavırýs sımptomy bar jolaýshy» degen jazýmen áleýmettik jelige tarap ketken aqparat profılaktıkalyq oqý-jattyǵýdyń bir bóligi. Ony Pavlodar oblysynyń ákimdigi júrgizgen. Jalpy Pavlodardaǵy vokzal qalalyq máslıhattyń qaraýynda - «Pavlodarvokzalservıs» JShS basqarýynda», - delingen kompanııanyń baspasóz qyzmeti taratqan habarlamada.
Qazirgi ýaqytta «QTJ» kompanııasy qyzmetkerlerimen túsindirý jumystaryn júrgizip jatyr. Syrqattyń belgileri týraly aqparat turaqty túrde Qazaqstan qalalarynyń vokzalynda ornalasqan Led-ekrandardan kórsetilip turady. Halyqpen tyǵyz qarym-qatynasta jumys isteıtin kompanııa qyzmetkerleri medıtsınalyq maska kıip júredi.
