Pavlodar túrmesine kámpıt ishine jasyryp, esirtki kirgizbek boldy

NUR-SULTAN. QazAqparat - Pavlodar oblystyq qylmystyq-atqarý júıesi departamentine qarasty AP-162/1 mekemesiniń qyzmetkerleri mekeme aýmaǵyna tyıym salynǵan zattyń kirgizilýine jol bergen joq. Bul jaıynda atalǵan departamentten málim etti, dep habarlaıdy QazAqparat tilshisi.

Atap aıtqanda, túrmede jazasyn ótep jatqan adamǵa ákelingen azyq-túlikti tekserip qaraý barysynda karameldi kámpıttiń ishinnen túıinshek shyqqan. Osydan keıin Pavlodar qalalyq polıtsııa basqarmasy ońtústik bóliminiń jedel tergeý toby shaqyrylǵan. Tabylǵan túıinshek saraptamaǵa alynǵan.

«Saraptama qorytyndysyna sáıkes kámpıtten tabylǵan zat psıhotropty bolyp shyqty. Erekshe sálemdeme qaraqshylyq jasap, adam tonaǵan sottalýshyǵa kelgen. Kámpıtti alyp kelgen tanysy da zańnamaǵa sáıkes jaýapkershilikke tartylady», - dep atap ótedi vedomstvodan.