Pavlodar turǵyny «Sýlpak» dúkenine bomba «qoıdy»
PAVLODAR. QazAqparat – Pavlodardyń 33 jastaǵy turǵyny dúkenge jarylǵysh zat qoıylǵany jóninde qońyraý shalǵan, dep habarlaıdy QazAqparat tilshisi.
«Saǵat 16.57-de Pavlodar qalasynyń polıtsııasyna Jaıaý Musa, 2 mekenjaıyndaǵy «Sýlpak» dúkeniniń ǵımaratyna bomba qoıylǵany jóninde habarlama tústi. Shaqyrtý ornyna dereý shuǵyl-tergeý toby, órt sóndirý jasaǵy jáne jedel járdem jiberildi. Barlyq kelýshiler men tehpersonal evakýatsııalandy», - dep málim etti Pavlodar oblystyq Polıtsııa departamentiniń baspasóz qyzmetinen.
Ǵımaratty qarap shyqqan saperler qaýipti zat tappady.
«Ótkizilgen shuǵyl-izdestirý jumystarynyń nátıjesinde kúdikti – 1987 jyly týǵan er adam anyqtaldy. Atalǵan fakti boıynsha QR QK-niń 273-babymen sotqa deıingi tergep-tekserý amaldary bastaldy», - dedi Pavlodar oblysy Polıtsııa departamentiniń basshysy Nurlan Másimov.
Kúdiktini bul qylmysqa ıtermelegen mán-jaılar tergeý barysynda anyqtalatyn bolady.
