Pavlodar turǵyny Nazarbaevtyń otbasymen birge túsken eski sýretin taýyp aldy
ASTANA. QazAqparat - Pavlodar oblysy din isteri basqarmasynyń basshysy Dáýlet Zakarıanov áleýmettik jelige 70-jyldary túsirilgen N.Nazarbaevtyń otbasylyq fotosýretin jarııalady, dep habarlady pavlodarnews.kz.
Zakarıanovtyń aıtýynsha, ol Memleket basshysynyń fotosýretin dosynyń úıinen kezdeısoq kórip qalǵan.
«Fotosýret meniń dosym Arman Alınniń albomynan alyndy. Bul 70-jyldardyń sońynda Baıanaýylda túsirilgen. Nursultan Nazarbaev óziniń otbasymen Armannyń ata-anasynyń úıine birneshe kúnge qonaqqa kelgen. Armannyń ákesi Ysqaq Nurǵalıuly Alın (Fotoda N.Nazarbaevtyń qasynda otyr) Jańatilek orta mektebiniń dırektory bolǵan. Ol Uly Otan ardageri jáne tamasha pedagog bolǵan. Nazarbaevpen birge qonaqqa Sotsıalıstik Eńbek Eri, akademık, Baıanaýyl týmasy Ábilqas Saǵynov ta kelgen», - dep habarlady Dáýlet Zakarıanov.
