Pavlodar turǵyny kúnine 35-40 shólmek araqty qoldan jasap, satyp kelgen
PAVLODAR. QazAqparat - Pavlodar oblysynda qoldan alkogol ónimin daıyndaǵan astyrtyn tseh anyqtaldy, dep habarlaıdy QazAqparat Qarjy monıtorıngi komıetine silteme jasap.
Pavlodar oblysy boıynsha ekonomıkalyq tergeý departamenti qyzmetkerleri qaladaǵy jaldamaly úıde jalǵan esepke alý-baqylaý markalarymen sýrrogatty alkogol daıyndaıtyn astyrtyn tseh uıymdastyrǵan 53 jastaǵy er adamdy ustady.
Kúdikti bir jyl boıyna kúndelikti 35-40 bótelke sýrrogat alkogol ónimin daıyndap otyrǵan.
Ol qoldanylǵan bótelkelerden EAB markalaryn alyp tastap, bótelkege spırti bar suıyqtyqty quıyp, EAB markalarynyń birneshe bóligin bir marka túrinde jelimdep, ónimdi ruqsat qaǵazsyz jáne lıtsenzııasyz Pavlodar qalasyndaǵy saýda núkteleri arqyly satqan.
Bul fakti boıynsha QR QK 233-babynyń 2-bólimine sáıkes sotqa deıingi tergeý bastaldy.
Tekserý barysynda astyrtyn tsehtan ishinde alkogoldik suıyqtyq bar kólemi 20 jáne 40 lıtrlik ydys, 47 bótelke daıyn alkogol ónimi, jelim, shlang, quıǵysh, shprıtstar jáne qoldan alkogol jasaıtyn qural-jabdyq tárkilenip alyndy.
Sýrrogat alkogol ónimi antısanıtarııalyq jaǵdaıda, kúmándi materıaldardan jáne alkogoldi ishimdikter shyǵaratyn ártúrli zaýyttardaǵ ónimderine uqsatylyp daıyndalǵan.
Aatalǵan fakti boıynsha saraptama taǵaıyndalyp, tergeý amaldary júrgizilýde.
