Pavlodar turǵyny koronavırýsty Nur-Sultan qalasynda juqtyrǵan
NUR-SULTAN. QazAqparat – Pavlodarlyq azamat koronavırýsty Nur-Sultan qalasynda juqtyrǵan. Bul týraly Pavlodar oblystyq densaýlyq saqtaý basqarmasy basshysynyń mindetin atqarýshy Berikjan Dosmaıylov aıtty, dep habarlaıdy QazAqparat tilshisi.
«27 naýryzda Pavlodar oblysynyń 1988 jyly dúnıege kelgen turǵynynan koronavırýs ınfektsııasy anyqtaldy. Ol azamat buǵan deıin Nur-Sultan qalasynda koronavırýs ınfektsııasyna shaldyqqan adammen baılanysty bolǵan. Patsıent bekitilgen algorıtmge sáıkes, ınfektsııalyq gospıtalge jatqyzyldy. Qazirgi ýaqytta patsıenttiń jaǵdaıy qalypty. Dene qyzýy tıisti deńgeıde, densaýlyǵyna shaǵymy joq. Bul azamatpen baılanysta bolǵan adamdar tabyldy jáne qajetti epıdemııaǵa qarsy sharalar qoldanyldy», - dedi ol.
