Pavlodar turǵyny kóligin 10 jyldan keıin zańdastyrdy
37 jastaǵy áıel MINI Cooper kóligin AQSh-ta satyp alǵan.
– Men avtokólikti zańdastyrý qyzmetin alǵashqylardyń biri bolyp paıdalandym. Meniń kóligim AQSh-tan, Qazaqstanǵa sonaý 2012 jyly ákelingen. Sol kezde qoldanysta bolǵan 30% kedendik baj salyǵy tolyǵymen tólendi. Men kólikti birden tirkemedim, óıtkeni shetelge shyǵýdy josparladym. Birneshe jyl boıy elde bolmadym. Sol aralyqta qaıta óńdeý aqysy men bastapqy tirkeý úshin jańa tólemder engizilgen. Kólik qaıta óńdeý tólemi engizilgenge deıin ákelingendikten ony tóleýdiń qajeti bolmady, biraq bastapqy tirkeý úshin 500 AEK kóleminde alym tóleý qajet boldy. Soma az emes. Sondyqtan meniń kóligim garajda tura berdi. Prezıdent avtokólikterdi zańdastyrý jáne ony ótkizý sharttary týraly jarııalaǵan kezde qýanyp qaldym! 23 qańtarda elektrondyq úkimet portaly arqyly onlaın ótinim berdim. Jaýap 3-4 mınýt ishinde keldi. Krımınalıster korpýstyń jáne basqa agregattardyń nómirlerin, sondaı-aq barlyq qujattardy salystyryp tekserdi. Ótinim maquldandy. Keıinirek qujattardy tapsyrdym. 10 mınýttan keıin qujattardyń daıyndyǵy týraly habarlama aldym. 10 jyldan keıin men óz kóligimdi esepke alyp, ári otbasy bıýdjetin únemdeı aldym. Barlyǵyna úlken raqmet»!, – dedi ol.
Polıtseıler Qazaqstan azamattary ákelgen sheteldik eseptegi jeńil avtokólikter, shaǵyn jáne orta avtobýstar, shaǵyn júk kólikteri, basqarý organdary oń jaqta ornalasqan kólik quraldary zańdastyrýǵa jatatynyn eske saldy.
Protsess 2023 jyldyń 1 shildesine deıin jalǵasady.
Foto: t.me/POLICE_of_KZ