Pavlodar turǵyny karantın kezinde qyz uzatý toıyn ótkizgen
Oblystyq polıtsııa departamenti baspasóz qyzmetiniń málimetinshe, 18 shilde kúni saǵat 15.00-de karantın engizilgenine qaramastan, qalalyq dámhanalardyń biri jumys istegen.
- Dámhananyń ıesi men otbasylyq merekeni uıymdastyrýshy karantındi elemedi jáne adamdardyń densaýlyǵyna qaýip tóndirdi, - deıdi Pavlodar oblysy PD bastyǵynyń birinshi orynbasary Jasqaırat Kaıyrov. - Atalǵan fakti boıynsha kafe ıesine, sondaı-aq otbasylyq is-sharany uıymdastyrýshyǵa qatysty materıal jınalyp, Pavlodar oblysynyń taýarlar men qyzmetterdiń sapasy men qaýipsizdigin baqylaý departamentine jiberildi. Dámhana sheshim shyqqanǵa deıin mórlendi.
Sonymen qatar, monıtorıng toby reıd barysynda taǵy bir mekemede osyndaı kemshilikti anyqtady. Jumys isteýine tyıym salynǵan mekemede tekserý kezinde kóp adam bolǵan.
Jasqaırat Kaıyrovtyń aıtýynsha, atalǵan derek boıynsha materıaldar Pavlodar oblysynyń taýarlar men qyzmetterdiń sapasy men qaýipsizdigin baqylaý departamentine jiberilgen.
- Monıtorıng toby sanıtarlyq-epıdemıologııalyq tártiptiń 160 buzýshylyǵyn anyqtady, - dedi PD bastyǵynyń birinshi orynbasary. - Top quramyna ákimdik, SES jáne polıtsııa ókilderi kirdi. Tekseris barysynda 66 dúken, 46 dámhana men meıramhanalar, 12 kalıan, 7 saýna men monsha kesheni, 9 TQS jáne JQS anyqtaldy.
Aıta keterligi, Qazaqstanda buqaralyq is-sharalar ótkizýge 6 maýsymnan bastap tyıym salyndy. Pavlodar oblysynda Bas memlekettik sanıtar dárigerdiń qaýlysynyń saqtalýyn monıtorıng toptary tekseredi.
Tártip buzýshylardy zańnamany, sanıtarlyq erejelerdi jáne gıgıenalyq normalardy saqtamaǵany úshin ÁQBtK 425-baby boıynsha jazalanady. Jeke tulǵalarǵa 30 AEK, laýazymdy tulǵalarǵa, shaǵyn bıznes sýbektilerine nemese kommertsııalyq emes uıymdarǵa - 230, orta kásipkerlik sýbektilerine - 310, iri kásipkerlik sýbektilerine - 1600 AEK aıyppul salynady.
Eger otbasy saltanatyn ótkizgennen keıin adam koronavırýs ınfektsııasyn juqtyryp alsa nemese qaıtys bolsa, QR Qylmystyq kodeksiniń 304-baby boıynsha qylmystyq jaýapkershilik týyndaıdy.
Tártip buzýshyǵa 5,5 mıllıon teńgege deıin aıyppul salynady nemese on jylǵa deıin bas bostandyǵynan aıyrylýy múmkin.