Pavlodar turǵyny ıttiń basyn kesip, terezeden laqtyryp jibergen
PAVLODAR. QazAqparat - Pavlodar turǵyny jýrnalısterge er adamnyń ıtti asyrap alyp, keıin onyń basyn kesip, denesin terezeden laqtyryp jibergenin málimdegen, dep habarlaıdy QazAqparat tilshisi.
«Men keshe er adamnyń birge turatyn áıelmen osy ıtti ertip, úılerine kirip bara jatqanyn kórdim. Ózderi jeýge tamaq taba almaı júrgende, ony qalaı asyraıdy dep oılaǵam. Sebebi, olarǵa tamaqty men ákeletinmin. Al, keshkisin bizdiń kórshimiz er adamnyń terezeden ıttiń denesin, keıin onyń basyn laqtyryp jatqanyn kórgen. Keıin ony janýardyń denesin alýǵa májbúrlegen. Biraq, ıttiń basy sol jerde jatyr. Ol jerden birneshe metrde balalar alańy ornalasqan», - dedi Gagarın kóshesi, № 38/1 úıiniń turǵyny Nına Mamenova.
Nına Petrovnanyń aıtýynsha, ol bolǵan oqıǵany polıtsııaǵa aıtyp bergen, biraq er adam jazalanbaǵan. Ólgen ıtti onyń nemeresi sýretke túsirip alǵan.
«Bul er adam ishimdikke salynǵan, eshqaıda jumys istemeıdi. Týbdıspanserde esepte turǵanyn da bilemin. Endi mynandaı nárse istedi! Onyń dál osylaı bireýdiń balasyn úıine áketip qalmaıtynyna kim kepil», - dedi N. Mamenova.
Osy jaǵdaı boıynsha, polıtsııadan túsinik alý múmkin bolmaǵan.
