Pavlodar turǵyny avtobýsty qonaq úıge aınaldyrǵan
QARAǴANDY. QazAqparat - Pavlodar turǵyny klıentterine qolaıly jaǵdaı jasaý úshin avtobýstyń oryndyqtarynyń qurylymyn ózgertken. Qajet kezde ol oryndyqtar áp-sátte jatyn orynǵa aınalyp shyǵa keledi. Osylaısha «ónertapqysh» júrgizýshi lıtsenzııasynyń joqtyǵyna qaramastan jolaýshylardy alys jolǵa tasymaldaýmen aınalysyp júre bergen, dep habarlaıdy QazAqparat.
Júrgizýshiniń jolaýshylardy qalaı jınaıtyny, al Pavlodar oblystyq jol-patrýldik polıtsııa qyzmetkerleriniń avtobýs salonyn zańǵa qaıshy bolǵandyǵyna qaramastan ózgertip, jolaýshylardy jerine tasymaldap júrgenin qalaısha kórmeı júrgendigi anyqtalýda.
Avtobýsty Qaraǵandy oblystyq Jergilikti polıtsııa qyzmetiniń jol-patrýldik polıtsııa ókilderi «Soqyr» beketinde toqtatqan. Kólik Ekibastuz-Almaty baǵytymen jyljyp bara jatqan. Polıtseılerdiń nazaryn oryndyqtardy ornyna qoıylǵan tósekter aýdarǵan.
«Jolaýshylar oryndyqtardyń arasynda ornalastyrylǵan jatatyn oryndarǵa jaıǵasqan. Pavlodar turǵynynyń oryndyqtardy «tósekke» aınaldyrýǵa ruqsaty bolmaǵan. Sondaı-aq júrgizýshi men onyń kómekshisiniń ekeýinde de jolaýshylardy tasymaldaýǵa beriletin lıtsenzııa joq bolyp shyqty»,-dep habarlady Qaraǵanda oblystyq ІІD-niń Jergilikti polıtsııa qyzmetiniń ókilderi.
Avtobýstyń qurylymyn ruqsatsyz ózgertip, lıtsenzııasyz jolaýshylardy tasymaldaǵany úshin júrgizýshige úlken aıyppul salynady. Aıyppul kólemin sot anyqtaıdy.
Júrgizýshi zańsyz áreketterin qaıtalamas úshin, Qaraǵandy polıtsııasy usynysty Pavlodar oblysyna joldady.
«Avtobýs» jedel aldyn alý sharasy barysynda Qaraǵandy oblysynda qoǵamdyq kólik júrgizýshileri tarapyna jol erejesin buzýdiń 563 jaǵdaıy tirkeldi.
